ജി വി എച്ച് എസ് കാഞ്ഞങ്ങാടിന് ഭാസ്ക്കര കുമ്പള പുരസ്ക്കാരം

എം.ബി രാജേഷ് എം.പി ഭാസ്ക്കരകുമ്പള
 അവാര്‍ഡ് സമ്മാനിക്കുന്നു

       

            കാസര്‍ഗോഡ് ജില്ലയില്‍ ഏറ്റവും കൂടുതല്‍ കുട്ടികളെ പരീക്ഷയ്ക്കിരുത്തി എസ് എസ് എല്‍ സി പരീക്ഷയില്‍ 100% വിജയം നേടിയ മികച്ച സ്ക്കൂളിനുള്ള ഡി വൈ എഫ് ഐ ജില്ലാ കമ്മിറ്റി ഏര്‍പ്പെടുത്തിയ ഭാസ്ക്കര കുമ്പള പുരസ്ക്കാരം ജി വി എച്ച് എസ് കാഞ്ഞങ്ങാടിന് ലഭിച്ചു.  സപ്തംബര്‍ 14 ന് സ്ക്കൂളില്‍ വെച്ച് നടന്ന ചടങ്ങില്‍ ഡി വൈ എഫ് ഐ അഖിലേന്ത്യാ പ്രസിഡണ്ടും പാലക്കാട് എം പി യുമായ എം ബി രാജേഷ് പുരസ്ക്കാരം സ്ക്കൂളിന് സമര്‍പ്പിച്ചു.നാട്ടുകാരും വിദ്യാര്‍ത്ഥികളും അധ്യാപകരും രക്ഷിതാക്കളും നിറഞ്ഞ സദസ്സിലായിരുന്നു പുരസ്ക്കാര സമര്‍പ്പണം. പി ടി എ പ്രസിഡണ്ട് കെ വി ദാമോദരന്‍, സീനിയര്‍ അസിസ്റ്റന്‍റ് കെ സി പവിത്രന്‍ , കൃഷ്ണന്‍ നമ്പൂതിരി എന്നിവര്‍ ചേര്‍ന്ന് പുരസ്ക്കാരം ഏറ്റുവാങ്ങി. ശില്പവും പതിനയ്യായിരം രൂപയുടെ പുസ്തകങ്ങളും ഉള്‍കൊള്ളുന്നതാണ് ഭാസ്ക്കര കുമ്പള പുരസ്ക്കാരം.    അഡ്വ : കെ രാജ്മോഹന്‍ അധ്യക്ഷനായി. രജീഷ് വെള്ളാട്ട്, വി സുകുമാരന്‍, വി വി രമേശന്‍, ടി വി ഗംഗാധരന്‍,രേവതി കുമ്പള എന്നിവര്‍ സംസാരിച്ചു. പി കെ നിശാന്ത് സ്വാഗതവും എന്‍ പ്രിയേഷ് നന്ദിയുംപറഞ്ഞു .